Adishatz a totas e a tots,
Sent Pançard que torna au Palais deus Espòrts!!!
Vestit de verd e blanc tau son purmèr estanc en Biarn, que se’n harà ua gaièra tà sostiéner la soa equipa preferida : l’Elan Béarnais !!
Avetz hami de’ns arrejúnher entà encoratjar los verds e blancs ? Lavetz, que’vs cau inscríver hèra viste, que balharam 100 plaças aus mei rapides dab la prioritat aus sòcis de l’associacion Carnaval Pantalonada. L’encontre Pau/Lille que’s debanarà lo divés 18 de genèr a 20 ò au palais deus Espòrts de Pau.
La sola condicion : viéner vestit de verd e/o blanc o miélher viéner mascat !!!
Que’vs podetz inscriver sia :
– per telefone au 05 59 30 76 48
- per corrièr electronic a contact@carnavalbiarnes.com
– o mei simple enqüèra suu noste site internet en seguir aqueste ligam : reservacion partida Elan Béarnais
Las plaças que son limitadas, hètz-v’i hòrt !
Los purmèrs hreds qui arriban … las palomas que passan … los ceths que possan e qu’i pensam de mei en mei : Lo Carnaval Biarnés de 2013 qu’arriba !
Com cada an, la musica qu’i averà ua plaça de las bonas. Alavetz qu’avem pensat a vos entà ajudà’ns a har petar la timponar dens las carrèras de Pau !
Que podetz de tira candidatar. Qu’ei tot simple ! Que’vs sufeish d’emplear aqueth formulari.
Atencion ! Entà validar la voste candidatura, las duas rubricas qui segueishen que son obligatoris :
Tota candidatura incomplèta ne sera pas examinada.
Puish, que poderàtz seleccionar ua o mantuas animacions qui aimaretz har, enfin un « clic » sus enviar e que receberam la voste prepausicion. Un resumit de la voste candidatura que’vs serà automaticament enviat.
Las candidaturas que seràn clavadas lo 9 de novéme 2012 au ser !
La sélection se fera courant novembre et vous saurez si vous êtes retenus avant la fin décembre.
Que’vs demoram tad aqueste moment de holia dab impaciença e estrambord, que comptam sus vos !
Que’ns triga aqueth ivèrn… e que visca Carnaval !
A bèthlèu.
La Companhia Musica
deu Carnaval Biarnés 2013
Aqueste estiu, l’equipa de l’associacion Carnaval Pantalonada que pren quauques vacanças (plan ganhadas). Lo burèu que serà barrat pendent lo mes d’aost.
Que’vs desiram de passar bèras vacanças ensorelhadas, pausatz-ve e profieitatz d’aquestes momentòts preciós dab la familha e los amics.
Que s’arretrobam a la debuta deu mes de seteme entà preparar un suberbèth Carnaval Biarnés 2013 !!! ;-)
Oràrias d’obertura deu burèu a comptar deu diluns 3 de seteme de 2012 :
Bonas vacanças a tots e coratge aus qui tribalhan !
Amistats de tota l’equipa.
Aqueste dimèrcs los ors que son de sortida ! Demorats mes e mes dens la loa tuta, que son mei que jamei excitats per las Rosetas ahuecadas !
Las trompas que van retrenir e la caça que serà ubèrta ! Avisatz vs, los qui s’apròchan, la caça a l’ors qu’ei ua serada dinamica, amusanta, deliranta, tà tot díser, ua vertadèra desprestida collectiva!
L’equipa que vs’aten nombrós aqueth dimèrcs 15 de heurèr, Quartièr deu Castèth de 8 òras deu ser enlà tà mantuas animacions musicaus.
Puish, rendetz-vs a :
Qu’i èm !!!! La Pantalonada, l’obertura deu Carnaval Biarnés 2012, qu’ei dissabte qui vien ! 
Sent Pançard e la soa cort magnifica qu’arriba lo 11 de heurèr suu truc de 4h deu vrèspe a la plaça deu Biarn (place Clémenceau arrebaptiada per la Soa Majestat) !!! Un seguici magic dab tots los personatges tradicionaus deu Carnaval Biarnés qu’entrarà dens la vila de Pau entà exigir las claus de la vila pendent la setmana grassa. Espectacle familiau, çà-vietz nombrós descobrir o tornar descobrir la cultura biarnesa !!
Programa
E la hèsta dinc au cap de la nueit !!!! Preparatz-vs, hestaires, Sent Pançard qu’ei hèra mauaisit a seguir !! 
St Pançard qu’estó vist a Echo en Aragon, puish a la partida de l’Elan Béarnais ; que contunha la soa virada peu vilatge de Garlin.
Los Garlinés qu’arcuelheràn tota la clica de St Pançard lo Dissabte 28 de genèr a comptar de 17 òras (a la crotzada de la carrèra Gambetta e deu cors de la Republica).
Qu’i trobaratz animacions, dada de las claus e repaish. Alavetz n’esitatz pas a viéner mascats suu tèma deus demieis umides e modacós, entà hicar la pagalha dens lo vilatge dinc au lendoman matin !
Programa
17H : Arcuelh de Sent Pançard, dada de las claus, passacarrèra dab petits e grans, distribucion de vin caud, suspresas e teatre de carrèras.
19H : Aperitiu animat per los nostes musicians garlinés e quauquas nòtas gasconas
20H : Repaish biarnés 8€ (garbura, hromatge deu país, dessèrt, cafè)
21H : Animacion per un grop au repertòri ritmat e diversificat !
Se’vs sentitz ua amna d’artista, s’aimatz immortalizar los moments qui vivetz pendent lo Carnaval … N’esitatz pas a ns’enviar las vòstas fòtos mei beròias tau concors organizat per lo Carnaval Biarnés en aliança dab France Bleu Béarn.
Cada setmana, l’associacion qu’envia cinc fòtos (liuras de dret) a France Bleu Béarn. A la fin de cada semana, la mei bona qu’ei elegida e que’vs hè ganhar un lòt auherit per France Bleu Béarn !!!
Concours photo France Bleu Béarn
Temptatz lo sòrt, e que seratz lhèu l’urós ganhant !
Sent Pançard que torna au Palais deus Espòrts !!!
Vestit de la soa tienguda verda e blanca, tà la soa purmèra aparicion en Bearn, que s’i herà de la votz entà suportar la soa equipa preferida, l’ELAN BEARNAIS !!!
Enveja de l’arretrobar entà encoratjar los verds e blancs ? Alavetz, inscrivetz-vos, qu’auherim 100 plaças aus mei rapides ! L’encontre Pau / Peitius que’s debanarà lo Dissabte 21 de genèr a 20h00 au Palais deus Espòrts a Pau.
Sonque ua condicion : viéner vestit de verd e/o blanc o miélher enqüèra, mascat !
Entà s’inscríver, qu’ac podetz har sia :
Lo nombre de plaças qu’ei limitat, pressatz-vos !
Com cada an, Sent Pançard, tot escàs si a escapat au lenhèr deu Dimars Gras. Que s’anè escóner en Aragon.
E, com cada an, los biarnés que’u van cercar entà har Carnaval.
Rejúnetz-nos entà hestejar dinc au cap de la nueit !
Sonque 59 dias abans la grana aviada de l’edicion 2012 deu Carnaval Biarnés !
En tot aténder aquerò, qu’averén arretrobat Sent Pançard en trin de rodar sur Google+ en cèrca de hestaires motivats tau son tornar ! Ta’u demandar com amic, qu’ei per aquiu qui’s passa : https://plus.google.com/u/0/108536424934013289196
E non desbrombitz pas :
PS: PS: que podetz adara publicar suu vòste mur (Facebook, Twitter, Google+) los articles deu site oficiau deu Carnaval Biarnés, hètz virar las infòs!
Pour utiliser la carte interactive, sélectionnez une catégorie puis cliquez sur un pointeur pour afficher les informations correspondantes. Vous avez la possibilité de zoomer et de déplacer la carte à l’aide des boutons situés à gauche.
