Avís a la populacion ! Sent Pançard que torna en Biarn !
Portatz-ve volontaris tà arcuélher en la tradicion e tot en son aunor Sa Majestat Sent Pançard !
Tres etapas au briu de genèr e de heurèr de 2011 capvath nostes vilas e vilatges : e’n voletz har partida ?
Participatz ad aquesta hèsta hèra populara e enradigada en la cultura biarnesa en v’inscríver abans lo 31 de julhet…
Avisatz-ve ! La vòsta motivacion que serà importanta.
Las hèstas qu’an dejà plan començat tà daubuns… L’òra ei arribada de’ns muishar los vòstes talents d’artista !
Entà participar, arren de mei simple ! Amusatz-vs a préner ua fòto de vos, deus vòstes amics…dab lo quessòt « la clica 2010 » deu Carnaval Biarnésen situacion de hèsta.
Qu’avetz dinc au 17 de Seteme miejanueit entà enviar-nse las vòstas vistas.
Las mei bonas que seràn publicadas suu noste siti Internet www.carnavalbiarnes.com e lo ganhant s’emportarà 8 plaças tau repaish de la Hartèra de Nau dias e 4 botelhas de blanc.
De qué tornar trobar l’arridolet abans lo tornar de Sent Pançard !
Qu’avem lo plaser de v’anonciar que lo club de basket l’Elan Béarnais Pau Lacq Orthez e’ns desira arcuéher au Palais deus Espòrts entà promòver lo Carnaval Biarnés.
En efèit, lo club que’ns convida a assistir a gratis a l’encontre EBPLO / Nanterre lo divés 22 de genèr a 20h ; a la sola condicion d’arribar tots desguisats !
Per informacion, las inscripcions que son ubèrtas a comptar de uei e que s’acabaràn lo diluns 18 de genèr,
alavetz amanejatz-ve tà v’inscríver qu’avem sonque 100 plaças a distribuir !
Los purmèrs inscrivuts que seràn los purmèrs servits !
Per telefòne au : 05.59.30.76.48
Per mèl : contact@carnavalbiarnes.fr
Que’vs poderam explicar en long de ço quji ei lo Carnaval Biarnés, que’vs poderam tanben amuishar quauques fotos o videos mes entà compréner vertadèrament, que i averà sonque la voste curiositat, la voste enveja entà viéner véder l’entrada monumentau de Sent Pançard au parat de la Pantalonada lo 6 de Heurèr de 2010.
Alavetz e vatz gausar viéner véder ? Entrar dens aqueth gran chapitèu a la Hauta Planta ? … ça-vietz descobrir ua hèsta de non pas créder miada per lo rei de la hèsta, lo magnific Sent Pançard !
Desempuish quauques dias, rumors que’s hèn de mei en mei hortas… dens las valeas biarnesas, los darrèrs passejaires qu’an entenut a diser que costat aragonés, que s’i passava causas… Que seré esconut dens un vilatge… Oc !! Sent Pançard qu’averé decidit de tornar en Béarn !!
Qu’averé causit Echo com purmère estapa deu son retorn per’mor « las hemnas qu’i son berojas, lo vin e lo cacique n’i mancan pas e los repaish ne s’acaban pâs jamei ! » …
Après ua serada dab rpo de bevuda, la pansa prèta a petar, que’s seré pitat sus ua cadièra (praubina…) e qu’averé cridat : « Adara qu’ei l’ora, que me’n vau tornar au pais tà har petar la bomba au men Carnaval Biarnés !!!! » … etaprès ua bona petada, que’s seré adromit…
Aquera novèla qu’a hèit l’efèit d’ua bomba, que’s pareish que bus pleats de hestaires vaudts hous que son prèsts a desmarar tà la purmèra estapa deu Rei Pançard…
Sent Pançard qu’a hèit la soa aparicion sus Facebook ! Ajustatz la soa majestat a vostes amics… mes avisatz-ve, que porta dab eth la hèsta, la holia ! E savberatz resistir ? … pas segur…
Pour utiliser la carte interactive, sélectionnez une catégorie puis cliquez sur un pointeur pour afficher les informations correspondantes. Vous avez la possibilité de zoomer et de déplacer la carte à l’aide des boutons situés à gauche.
Vendredi 16 juillet 2010 à 15:21 | 
Amics, amigas benevòles,
