Dissabte 05 de Març 2011

• 9h00 : Rencontra de Sent Pançard e Sent Antòni
  A la hala
• 9h30 : Corriula deus pòrcs – Arrua Carnot
• 10h00 : Sortida deu Palanquin de Sent Porquin
  Aumenatge a la divinitat
  Au heralh
• 10h30 : Tripas Grassas

Sent Pançard n’arrespècta pas arren, sonque Sent Porquin ; que’u venèra.
En procession, dab 9 pòrcs, qu’acompanha Sent Antòni, de la hala dincau heralh, tà la sortida tradicionau deu Palanquin de la Divinitat e la degustacion de las tripas grassas… abans tot !
Lo heralh, qui empara uei lo mercat biò, qu’èra enqüèra après guèrra, lo gran mercat deu bestiar.

Amalhat

Sent Antòni

Sent Antòni qu’èra un ermite qui avè hèit vòt de praubetat e de castetat. Que viscó longtemps dens lo desèrt. Aquiu, que resistí a las tentacions deu Diable.
A l’atge miejancèr, un ordi religiós inspirat de la vita soa, los Antonins, que hasèn viéner pòrcs entà neurir los praubes. Aqueths monges qu’èran los sols autorizats a deisha’us divagar capvath las arruas, a condicion que pòrtin ua campaneta. Qu’ei despuish aquera epòca que’s representa Sent Antòni dab un pòrc aus pès. Qu’ei lo patron deus porcatèrs.
Vestit d’ua capa de burat, un Tau a la man, que hè tintar de hiu ua esquireta. Qu’ei pitat sus un aso ondrat de tots los legumes de sason : pòrs, cebas, còrdas d’alh, caròtas, naps…

Lo palanquin de Sent Porquin

Qu’acessa la Divinitat Sent Porquin, lo biton d’aur. Aqueth Palanquin esculptat de motius biarnés que sorteish cada an. Qu’ei ua espèçia de portadera portada a braç per 12 òmis : un mòble de haut o baish 6m de long, 3m de larga e qui pesa 300kg fabricat per las seccions ebenisteria e tapisseria deu licèu professionau de Nai.

La Corriula de Sent Porquin

Que disen de quauqu’un qui vagamonda qu’ei « corriu com lo pòrc de Sent Antòni ». Aquera expression qu’ei passada dens lo parlar popular francés : « où vas-tu courir encore ? », « il ne fait que courir ! »

La corriula qu’ei generaument ordonada com segueish :

• Los amics de Sent Porquin
• Sent Antòni
• Sent Pançard e Carronha
• Los porcatèrs
• Los 9 pòrcs
• Los Palhassas
• La musica