St Pançard qu’estó vist a Echo en Aragon, puish a la partida de l’Elan Béarnais ; que contunha la soa virada peu vilatge de Garlin.

Los Garlinés qu’arcuelheràn tota la clica de St Pançard lo Dissabte 28 de genèr a comptar de 17 òras (a la crotzada de la carrèra Gambetta e deu cors de la Republica).

Qu’i trobaratz animacions, dada de las claus e repaish. Alavetz n’esitatz pas a viéner mascats suu tèma deus demieis umides e modacós, entà hicar la pagalha dens lo vilatge dinc au lendoman matin !

Programa

17H : Arcuelh de Sent Pançard, dada de las claus, passacarrèra dab petits e grans, distribucion de vin caud, suspresas e teatre de carrèras.

19H : Aperitiu animat per los nostes musicians garlinés e quauquas nòtas gasconas

20H : Repaish biarnés 8€ (garbura, hromatge deu país, dessèrt, cafè)

21H : Animacion per un grop au repertòri ritmat e diversificat !

Cada setmana, l’associacion qu’envia cinc fòtos (liuras de dret) a France Bleu Béarn. A la fin de cada semana, la mei bona qu’ei elegida e que’vs hè ganhar un lòt auherit per France Bleu Béarn !!!

Concours photo France Bleu Béarn

Temptatz lo sòrt, e que seratz lhèu l’urós ganhant !

Sent Pançard

Vestit de la soa tienguda verda e blanca, tà la soa purmèra aparicion en Bearn, que s’i herà de la votz entà suportar la soa equipa preferida, l’ELAN BEARNAIS !!!

Enveja de l’arretrobar entà encoratjar los verds e blancs ? Alavetz, inscrivetz-vos, qu’auherim  100 plaças  aus mei rapides ! L’encontre Pau / Peitius  que’s debanarà lo Dissabte 21 de genèr a 20h00 au Palais deus Espòrts a Pau.

Sonque ua condicion : viéner vestit de verd e/o blanc o miélher enqüèra, mascat !

Entà s’inscríver, qu’ac podetz har sia :

• per telefòne au 05 59 30 76 48
• per mèl a contact@carnavalbiarnes.com
• o hèra mei simple directament suu site internet en seguint lo ligam www.carnavalbiarnes.com/programme/reservations/match-de-basket-elan-bearnais-poitiers/

Lo nombre de plaças qu’ei limitat, pressatz-vos !

E, com cada an, los biarnés que’u van cercar entà har Carnaval.

Rejúnetz-nos entà hestejar dinc au cap de la nueit !

En tot aténder aquerò, qu’averén arretrobat Sent Pançard en trin de rodar sur Google+ en cèrca de hestaires motivats tau son tornar ! Ta’u demandar com amic, qu’ei per aquiu qui’s passa : https://plus.google.com/u/0/108536424934013289196

E non desbrombitz pas :

• lo grop Facebook deu Carnaval Biarnés
• lo perhiu Facebook de Sent Pançard
• lo perhiu Facebook de Caronha

PS: PS: que podetz adara publicar suu vòste mur (Facebook, Twitter, Google+) los articles deu site oficiau deu Carnaval Biarnés, hètz virar las infòs!

Paciença ! 

Bèth lèu lo programa de la hèsta qui tornarà la calor aus hestaires au bèth miei de l’ivèrn !!

Si voletz ajudar, arren de mei simple: un petit mèl dab lo noste formulari de contacte e que torbaratz un sarrot d’activitats dens l’associacion. Que srà tà vos lo parat de passar un ivèrn un drin mensh triste, d’encontrar benevolas motivats e de partatjar moments de arridèr gran e d’umor bona !

Mercés a vos, l’edicion 2011 deu Carnaval Biarnés qu’estó un succès deus grans !

Qu’avetz ajudat ? Qu’avetz portat grandiosament las colors de la Clica 2011 ? Lavetz, tota l’equipa que tien a partajar aquera escaduda dab vos.

Tà d’aquerò, qu’avem lo plaser de’vs convidar a la Hèsta deus Benevòles,

lo dissabte 30 d’abriu de 2011 a comptar de 12h,
au 2 Av. Pouguet, ostau Viravent à Pau

A lèu !

Amistats de tota l’equipa.

Adiu praube carnaval !

Lo Carnaval Biarnés 2011 qu’ei acabat !!! Un corruda hola de mei de 2 mes e un enorma succés popular sus 10 dias de hèsta a Pau, tot aquo mercés a ua equipa benevola magic !

Que sia a las caishas e aus vestiaris dab un serios deus grans a maugrat de l’estress deu monde, a las cosinas dab ua equipa extraordinari miada per un Jean-Mi infatigable (dab ua pensada tau Bernard), a las diferentas equipas de l’estanquet susvitaminadas, la Clica 2011 qu’esto excepcionau: un gran mercés a tots !