Dissabte 05 de Març de 2011

• 14h30 : Animacions / Animations – Place Clemenceau
  Estanquet, enterpans e crespèras
  Buvette, sandwichs et des crêpes, des crêpes, encore des crêpes …
• 16h30 : Gran a parada / Grande parade
• 18h30 : Procès – Plaça de la Liberacion / Place de la Libération
• 19h30 : Ors de huec e huec d’artifici  / Ours de feu et feu d’artifice – Hauta Planta / Place de Verdun
• 20h00 : Passatge sus l’empont  deus grops deu passa carrèra / Passage sur scène des groupes du passe-rue
• 22h30 : Gran bal / Grand bal

Itinéraire

Qu’ei lo gran dia. La glòria per Sent Pançard.
Que jubila, qu’exulta ; que son vienuts de tots los parçans deu Biarn, sonque tad eth.
Que senteish la horrèra excitada prèsta a bascular dens la desbaucha, la luxura, la briaguèra, la grossieretat….
ImageQue peta los plombs…
Mes lo pòple reageish. Lo tròp qu’ei tròp !
Shens qu’at sàpia, Sent Pançard, responsable de tots los domaus qu’ei miat au tribunal tà estar jutjat.
A la satisfaccion generau qu’ei condemnat a estar brutlat.

Ua explosion de musica, de colors, d’arríder, de fantasia…
Grana desprestida collectiu. Tròp de seriós que harta, non !

Corriula de Sent Porquin

Sent Pançard n’arrespècta pas arren, sonque Sent Porquin qui aima hèra.
Aqueth dia, que’u ren aumenatge.
En corriula, dab nau pòrcs, qu’acompanha la divinitat dinc a las halas, lo temple de la consomacion… lo son temple unic e preferat !

Com tot bon biarnés, partatjam la soa devocion en aquera temporada de pelèras.

Har correr Sent Pançard

14h30
Animacions
Plaça Clémenceau
Estanquet, enterpans e crespèras

16h30
Grana parada
Partir Plaça Clémenceau !

18h30
Procès
Plaça de la liberacion

19h30
Ors de huec e huec d’artifici
Hauta Planta

20h30
Gran bal
Capitèth de la Hauta Planta
Estanquet, repaish, enterpans

La grana parada

La populacion que s’amassa en divèrs lòcs entà la grana parada au trubèrs de la vila. Costumats, petits e grans, que segueishen lo movement. La musica qu’ei omnipresenta e hèra variada. Las colors, los gigants, la cabòssas, los jòcs de ròtle deus grops, l’imaginacion, que hican la horrèra dens un estat segond ; que’s deisham portar, que’m urós amassa, dens aquera brava holia.
Rai deu temps, se plau la horrèra qu’ei aquiu ; quan en d’autas occasions ne trobaré pas aquò com cau. Uei lo pòple que hè « córrer Carnaval » qu’ei a díser qu’acompanha Sent Pançard dens lo son banh de horrèra

Qu’ei lo son dia de glòria, qu’ei lo mei urós deus òmis. Qu’ei eth lo rei de la hèsta ; que nada dens lo bonur en véder tot aqueth monde entà l’aunorar. Avuglat d’orgulh, deu haut de la soa catava, ne’s dobta pas que viu las soas darrèras pausas de libertat e sordeish, las soas darrèras òras. Au son costat, que distinguim Caronha. Quarèsma emboscat, prèst a préner la plaça au mendre defalhiment, que saboreja a l’avança, la soa arribada au poder. Inexorablament, Sent Pançard que s’apotja de las marchas deu tribunau. Aquiu qu’ei interpellat energicament e jutjat autanlèu

Lo procès

Qu’ei lo simulacre d’un procès qui’s debana sus las marchas las mei hautas deu Palai de Justicia. Qu’i pujan : l’accusat, sarrat de près peus gendarmes negats de gesticulacions e de bramadas, lo jutge poirit dinc au medoth e plan briac, los encargaires, los avocats deu mei poirit au mei aule. Las accusacions e los pleiteis que son shacants. Lo public qu’ei ahupat per las diferentas partidas e qu’exprima a gran brut la soa opinion. Sent Pançard qu’ei responsable de tot : de las pelejas enter vesins, deu sequèr, deus problèmas conjugaus, mes tanben deu caumatge, de la hami dens lo monde, de las guèrras… quolibets e injúrias que plaven.
Ne’s comptan pas los efèits de manjas. Qu’ei ua vertadèra caricatura d’audiéncia. L’arríder autant plan com la maishanta fe que son de rigor. Lo procès qu’ei expediat e ne li deishan pas nada chança, com cada annada. Sent Pançard qu’ei condamnat a mort : que serà brutlat. La horrèra que peta de plaser quan los gendarmes e gahan l’acusat tà l’embarrar dens ua gàbia installada suu carri rejau. E totun que sap qu’un còp la senténcia prononçada, qu’ei batlèu la fin deu carnaval. Tant pis, que’u hè besonh aquera condemnacion liberatora. Que l’escòrta lavetz, en l’invectivar, quiò la preson, on serà detiengut dinc a Dimars Gras, dia de l’execucion.
Ne demora pas mei qu’a aténder lo huec d’artifici e la corruda de l’ors de huec entà s’anar desprestir quiò cap de la nueit dab tot lo pòple de carnaval.