Dijaus 16 de Heurèr de 2012

Capitèth – Hauta Planta

• 20ò00 : Aperitiu auherit aus qui son mascarats animat per la fanfara Brass Delirium
• 20ò30 : Flash Mob seguit d’eleccions susprèsas
• 21ò00 : 1èr bal : Les Landa’s
• 22ò30 : 2au bal : Diu Biband

A l’ombra de Sent Pançard desempuish tostemps, Carronha que’s vòu desencadenar de la soa maishanta condicion.

Que n’a hartèra deus harolèrs  deu son parpalhoèr d’òmi… Pro !

Anueit qu’a decidit de har la hèsta e de’s hicar era tanben en davant  … Que’s dèisha anar !

Que hè vàder craba los òmis; que’ns amuisha ua cara navèra e que’ns apresta un hèish de suspresas !

Tà estar los de qui cau, ça-vietz apelhats de ròse. De cap au pè taus mèi hardits, o sonque ua noteta de ròse tau mei temerucs.