Dissabte 11 de Heurèr de 2012
- 16ò00 : La Pantalonada a la Barricada – Plaça Clemenceau
- 17ò00 : Dada de la claus – Mairia
- 18ò30 : Representacion – Hauta Planta
- 20ò00 : Bal de Sent Pançard a gratis - Capitèth de la Hauta Planta
- 23ò00: Concèrt de Sent Pançard a gratis
Lo pòple qu’aten sa Majestat Sent Pançard
Magnific, ventorrut, arrident, Sent Pançard que s’avança dab preséncia, dab vernís, contemplant los sons subjectes deu haut deu tròne enlà.
La soa cort qu’ei au complet tà l’entrada triomfau dens lo capdulh deu Biarn.
Que demanda las claus. Voler o non, las autoritats que las i balhan.
Lavetz, la horrèra gaujosa qu’envadeish la vila entà hestejar lo tornar deu Carnaval.
La Pantalonada qu’ei un espectacle en movement : dançaires, musicaires e peçòtas comicas improvisadas per actors.
Itinéraire
Qu’ei aquò ?
Qu’ei un seguici solemne e estructurat qui’s debanava sonque uas annadas e dens daubuns parçans deu Bearn. Ne sabem pas plan enqüèra d’on ei qui vien aqueth divertiment.
Totun qu’ei causa sabuda Pantalon qu’èra, au medish títol qu’Arlequin, un personatge important de la Comedia dell Arte italiana. De la fin de l’Edat Mejana, dinc au XIXau sègle, que i avó mascaradas pertot en Euròpa. Que’s debanavan dens lo demiei rurau mes tanben dens las vilas e, en tempora de carnaval, qu’agradavan hèra dens las corts reiaus. Qu’èran espectacles simples e shens pretension. Qu’èra generaument ua succession, shens hiu conductor, de danças, de peçòtas comicas parladas o mimadas, de cants, d’acrobacias… La representacion que s’acabava per l’amassada de tots los actors tà la dança finau.
